ఒక్క అవకాశం

మీతో చెప్పాలని...

2015-04-16T05:11:00.000-07:00

పేరు చెప్పండి 2000/- గెలుపొందండి

2010-11-27T01:43:00.000-08:00

Hai friends అన్ని సీటీస్‌ ఇన్ఫర్మేషన్ను అందించేందుకు నూతనంగా ప్రారంభించబడి సరికొత్త రూపంలో కస్టమర్లకుఅందించేందుకు చక్కని పేరు కావలెను. ఉదా॥ www.justdail.com ఈ విధంగా కస్టమర్లకు చేరువయ్యేలా, సైట్విజిటర్లను పేంచేలా, ప్రతి ఒక్కరికి పేరు గుర్తుండేలా చక్కని పేరు చెప్పిన వారికి రూ. 1000/- నుండి 2000/- బహుమతిఇవ్వబడును. మీ ఐడియాస్నుfreshtalent@rediffmail.com కు పంపండి. ‌ ‌‌‌ ‌

ఈ సైట్స్లో యాడ్స్ చూడటం ద్వారా మనీ పొందవచు. ఈ లింక్ క్లిక్ చేసి రిజిస్టర్ అవ్వండి

2010-10-26T22:19:00.000-07:00

మనసున్న మహీగ్రాఫిక్స్‌

2010-02-10T21:03:00.000-08:00

సమస్య ఒకరిదే అయినా దాని యొక్క పపిష్కారం అందరికి తెలియజేయాలనే ఉద్దేశ్యంతో మహిగ్రాఫిక్స్‌ అనే ఫోరమ్నుస్టాట్‌ చేసిన ఫోరమ్‌ సభ్యులకు నా అభినందనలు మరియు ‌ థ్యాంక్స్‌ ఈ విధంగా తెలుపుకుంటున్నాను. తెలుగు సైట్లలో నాకు నచ్చిన రెండవ సైట్‌ మహీగ్రాఫిక్స్‌. నాకు ఫస్ట్‌ నుంచి తెలిసింది కంప్యూటర్‌ ఎరా అయినప్పటికి నా అనుభవాలను అందరితో ఈ విధంగా పంచుకోవడానికి సహకరించింది మహిగ్రాఫిక్స్‌ మహేష్‌ గారు. ఈ ఫోరమ్‌లో సమస్యలకు పరిష్కారమే కాకుండా ప్రతిఒక్కరు స్నేహంగా, అప్యాయంగా పలకరించడం ఆనందించదగ్గ విషయం. ఈ పోస్ట్‌ ద్వారా నేను చెప్పదలచుకుంది ఏమనగా మహిగ్రాఫిక్స్‌ ను మీరు సందర్శించి మీకు తెలిసిన మరికొంత మందికి తెలియజేయాలని... నేను ఒక సభ్యునిగా భావించి నా వంతు కృషిగా, ఎంతో సంతోషంగా ఈ పోస్ట్‌ చేస్తున్నా.

మీ స్నేహితుడు

మీరు పాటలు రాయగలరా?

2010-02-02T05:42:00.000-08:00

మీరు సరదాగా కవితలుగాని పాటలు రాస్తుంటారా. ఫ్రెండ్‌షిప్‌ మరియు ప్రేమ మీద పాటలు రాయగలరా. ఇంతకు ముందు ఎక్కడ వినని మరియు ఎవరి పాటలను కాపి కొట్టకుండా మీ సొంతంగా పాటను ప్రిపేర్‌ చేయగలవారు మీ వివరాలను freshtalent@rediffmail.comకు మెయిల్‌ చేయండి.

గమనిక: ఇది కొత్త పాటను వీడియో రూపంలో చిత్రికరించే ఆలోచనలో టాలెంట్‌ ప్రూవ్‌ చేసుకోనటానికి అవకాశం మాత్రమే. మీ పాటకు ఎటువంటి రుసుము చెల్లింపము.

DSL Internet Provider

అమ్మాయిల ఆకర్షణలో అబ్బాయిలు

2009-12-16T21:14:00.001-08:00

నేనే నా ఫ్రెండ్స్‌ కలిసి చిన్న ప్రయత్నం చేశాము. ఈ వీడియో చూసి మీ విలువైన అభిప్రాయము తెలియజేయండి.

Original Video - More videos at TinyPic

అవకాశం కోసం చుస్తున్నారా?

2009-11-27T05:48:00.000-08:00

మీరు ఇప్పటి దాకా అవకాశాల కోసం చుస్తుంటే కనుక ఇంక మీరు ఆ పని చేయనక్కర్లేదు. ATV చూస్తే చాలు.
ఎందుకంటే వరల్డ్‌ లోని అన్ని రకాల అవకాశాలను మీ ముందు ఉంచుతుంది ATV. మీరు జాబ్‌ చేస్తున్నా, జాబ్‌ కోసం ఎదురు చుస్తున్నా, ఉద్యోగ ఉన్నతి కోసం సలహాలు కావాలన్నా Atvలో JOb Centreని చూడండి. ఉదయం 9 గంటల నుండి 10 గంటల వరకు. మరెన్నో అవకాశాలను కూడా అందిస్తుంది ATV.

ప్రేమ అంటే ప్రేమించే వాళ్ళకే తెలియదు! కాని ప్రేమిస్తారు

2009-09-18T07:54:00.000-07:00

ప్రేమ అంటే ఇరుదేహాలు కలయిక కాదు విందు వినోదాలకు తిరిగి కాలాన్ని వ్యర్థం చెయ్యడం కాదు. ఒకరికి ఒకరు ఇచ్చిపుచ్చుకునే కానుకలు కాదు యాసిడ్పొయ్యడం, కత్తులతో నరకడం కాదు ప్రేమను వర్ణించడానికి మాటలు లేవు, ఆకాశానికి, ‌భూమికి అనంతమైన దూరం ఉన్నా వేసవి తాపానికి భూమి బీటలు వారి తల్లడిల్లే తరుణాన భూమిపై ఉండే ప్రేమతో ఆకాశం తన గుండెల నిండా ఉండే అనురాగాన్ని మెరుపుగా మార్చి మేఘమై ఉరిమి వర్షమై కురిసి భూమిని హత్తుకొని ఓదార్చుతుంది. భూమి ఆకాశం అందించే ఆ ప్రేమవర్షిణిలో తడిసి మురిసి ముద్దయి పచ్చని చిగురును వికసింపచేసి పరిమళించే పూలతో మురిపించి తనలో అనురాగ పరిమళాలతో ఆకాశాన్ని వాటేసి అల్లేసుకుంటుంది మాటలతో చెప్పలేని ఆ ప్రేమకు మౌనసాక్షే ఈ ప్రకృతి. ఆ ఇరువురి ప్రేమ ప్రపంచంలో జీవకోటికి జీవనాధారమై మిగులుతుంది అసలైన ప్రేమంటే ఇదే.

సమాజాన్ని మీరొక్కరే మార్చగలరు...

2009-09-15T05:53:00.000-07:00

మిత్రులారా, శ్రేయోభిలాషులారా మన సమాజం గురించి ఆలోచించారా?
ప్రస్తుతం సమాజం అనే తోట ఎన్నో ఆపదలు, అన్యాయాలు, అక్రమాలు, దోపిడీలతో నిండి ఉంది. ఈ తోటని మంచి, మానవత్వంతో నింపడానికి మనమంతా కృషి చేయాలి. మనం

చూస్తుండగానే ఎన్నో అన్యాయాలు, అక్రమాలు, తప్పులు జరిగిపోతున్నాయి. తప్పు చిన్నదైనా పెద్దదైనా తప్పు తప్పే. ఈ సమాజాన్ని చూసి మనం ఏమి చేయలేమా! అని ఆలోచించేవారు, భాదపడేవారు ఎక్కువే. కొందరు ఆలోచిస్తేనో, మరి కొందరు భాదపడితేనో మారదు ఈ సమాజం. అందరూ కలిసి తమ వంతు కృషి చేస్తే తప్పక మారుతుంది. అందుకోసం మనముందు జరిగే అన్నాయాలు (ఉదాహరణకు సినిమా టికెట్లను బ్లాక్లో విక్రయిస్తున్నా, పోలీసుశాఖ వారు, ట్రాఫిక్ పోలీస్ వారు లంచం తీసుకుంటున్నా, పోలీసు వారి స్పందన సరిగా లేకపోయినా, ఉన్నత అధికారులు వృత్తికి ద్రోహం చేస్తున్నా, రోడ్ల మీద వాహనాలు సక్రమంగా నడపక పోయినా (నెం. నోట్ చేసుకోని), ర్యాగింగ్ మరియు ఈవ్టీజింగ్, గుళ్లలో పుజారులు కూడా అక్రమాలకు పాల్లడుతున్నారు అదే విధంగా దేవుడి ప్రసాదం విషయంలో కూడా అన్యాయమే. ఇలా మరెన్నో జరుగుతున్నాయి. సమస్యను మనం పూర్తిగా సాల్వ్ చేయకపోయినా, మీ దృష్టికి వచ్చిన అన్యాయాలను మిడియాకి కాని, సంభందిత అధికారులకు కాని తెలియజేయండి. మన వంతు కృషిలో కొంత భాగమైన నిర్వర్తిద్దాం.

సమస్యలను తెలుపుట కొరకు ఫోన్ చేయవలసిన నెంబర్లు:
1) మీడియా దృష్టికి తీసుకువెళ్లదలుచుకుంటే
TV-9 : 040-23352336, 9948290901
Inews : 040-23321000
Sakshi TV : 040-23333100

2) ఉన్నత అధికారులు, ప్రభుత్వ ఉద్యోగుల గురించి తెలుపుటకు
CBI Office : Hyderabad- 040-24732768, Vizag- 0891-2783333

3) ర్యాగింగ్ గురించి తెలియజేయుటకు
1800-180-5522, 155222 లేదా e-mail: helpline@antiragging.net

4) మనం కొన్న వస్తువు పాడయితే ఆ విషయాన్ని ఎవరికి చెప్పాలి, ఏమని చెప్పాలి, ఎలా మాట్లాడాలి, దేనిగురించి కేసు వేయెచ్చు, దేనిమీద వేయకూడదు, వేస్తే ఎలా వేయాలి, ఎక్కడ వేయాలి?' ఇవన్నీ సగటు మనిషికి వచ్చే నిత్య సందేహాలే. అందుకే ఆ బాధ లేకుండా ఫోన్‌ ద్వారా ఆ సేవల్ని జనం ముందుకు తీసుకొచ్చింది నేషనల్‌ కన్స్యూమర్‌ హెల్ప్‌లైన్‌. టోల్‌ ఫ్రీ నంబరు - 1800-11-4000

మిత్రులారా ఈ విషయాన్ని మీ బ్లాగ్ ద్వారా కూడా అందరికి తెలియజేయాలని కోరుకుంటున్నాను. అలాగే మీకామెంట్స్ను కూడా తెలియజేయగలరు.

మీ స్నేహితుడు

అపోహను తొలగిద్దామా లేక మరింత పటిస్టం చేద్దామా

2009-09-14T04:19:00.000-07:00

అమ్మాయే సన్నగా అరనవ్వే రువ్వగా.. మతి తప్పి కుర్రాళ్లే మంచాన పడ్డారే.. అన్న పాట గుర్తుంది కదా! మర్చిపోయే పాట కాదనుకోండి. అది నిజమో కాదో తెలియదు కాని, అది నిజమేనని నెదర్లాండ్‌కు చెందిన పరిశోధకులు స్పష్టం చేశారు. అందమైన అమ్మాయిల్ని చూసి అబ్బాయిలు అయోమయానికి గురవుతారని వాళ్లు తేల్చి చెప్పారు.
అమ్మాయిల్ని చూడగానే, వారిని ఆకట్టుకొని, మంచి మార్కులు కొట్టేసేందుకు అబ్బాయిలు ఎక్కువ సమయం కేటాయిస్తారు. దాంతో వారి ఏకాగ్రత సడలుతుంది. పని సామర్థ్యం సన్నగిల్లుతుంది. ఇందుకు కారణం ఒకటేనట. ఈ అందమైన అమ్మాయిల దగ్గర మంచి అన్పించుకునేందుకే వీరు తమ మెదడును, శక్తిసామర్థ్యాలను ఎక్కువగా ఉపయోగిస్తున్నారట. అయితే అమ్మాయిలు మాత్రం ఇందుకు విరుద్ధంగా ఉన్నారు. అందగాడైన అబ్బాయితో మాట్లాడేటప్పుడూ వారు ఆకర్షణకు లోను కావడం లేదు. స్థిరంగా వ్యవహరించగలుగుతున్నారు. అబ్బాయిల్లా తరచూ కొత్త భాగస్వామిని వెతకాలని అమ్మాయిలు అనుకోకపోవడమే వారిలో స్థిరత్వానికి కారణం. ఈ సందర్భంలో అబ్బాయిలపై చేసిన అధ్యయనంలో అమ్మాయిలతో మాట్లాడుతున్నప్పుడు వారు అంత నిజాయితీగా వ్యవహరించలేదని కూడా తేలింది. ఇలా చేయడం వల్ల అబ్బాయిలు వెనుకబడే అవకాశం చాలావరకు ఉంటుంది. మరి అబ్బాయిలు మన మీద ఉన్న అపోహను తొలగిద్దామా లేక మరింత పటిస్టం చేద్దామా! ఆలోచించండి. ఉన్నత శిఖరాలను చేరుకునే మార్గాలను ఆచరించండి.

మీ స్నేహితుడు...

మీకే ఆహ్వానం

2009-08-29T05:46:00.000-07:00

కళాశాల చిరునవ్వులకు తరగని చిరునామా. తుళ్లింతలు, కేరింతలతో గడిపిన కాలం మన జీవితానికి సరిపడే మధురజ్ఞాపకం. క్లాస్రూమ్లో కితకితలు పెట్టే సందర్భాలు, స్టడీ టూర్లో సరదా సరదా సన్నివేశాలు గుండె లోతుల్లోంచిగుర్తుకొచ్చేవి ఎన్నో. అలాంటి వాటిని మాకు రాసి ‌‌‌
పంపండి. మేం మా పాఠకులకు అందిస్తాం. అయితే ఇవి ఎవరినీ కించపరిచేలా, గాయపరిచేలా ఉండకూడదు. పంపేవారు మాత్రం కళాశాల విద్యార్థులు, యువతీయువకులై మాత్రమే ఉండాలి. వీటితోపాటు మీ లేటెస్ట్‌ కలర్‌ ఫోటోని జతపరచండి.
ఏదో సరదాకి... ఫన్‌ ఎస్సెమ్మెస్‌... సాంగ్‌ కౌంటర్‌... హైకూలను కార్డుపై రాసి పంపండి. 'మనసులో మాట' శీర్షికకు రాసేవారు, అడ్రస్‌ తప్పకుండా రాయాలి. మీరు కోరితే వివరాలు గోప్యంగా ఉంచుతాం.
మీ రచనలు పంపాల్సిన చిరునామా:
ఈతరం, ఈనాడు కార్యాలయం,
సోమాజిగూడ, హైదరాబాద్‌-82
email: you@eenadu.net

హలో...ఇప్పుడేం చేయాలి?

2009-07-11T07:33:00.000-07:00

కొత్త టీవీ వెున్ననే కొనుక్కొచ్చారు. ఎందుకో తెలీదు, సడన్గా ఆగిపోయింది. కొన్న షాపుకి వెళ్లి అడిగితే ీమీపిల్లలేమన్నా ఖరాబు చేసి ఉంటారు. ఇక్కడ పని చేసింది కదా, మాకేం సంబంధం లేదు' అని నిర్లక్ష్యంగా సమాధానం. నోరుంటే కాస్త గట్టిగా పోట్లాడి వెనక్కి తిరగడం, లేదంటే ‌ మన టైమ్‌ బాగో లేదు' అని సరిపెట్టుకోవడం... ఇదీ సగటుమనిషి తీరు.
కానీ అదే ఈ టోల్‌ ఫ్రీ నెంబరు తెలిసుంటే కథ వేరేగా ఉంటుంది. రెండోరోజుకల్లా మరో కొత్త టీవీ ఇంటికొస్తుంది.
అదే ఈ నంబరు... 1800-11-4000
... నేషనల్‌ కన్స్యూమర్‌ హెల్ప్‌లైన్‌ టోల్‌ ఫ్రీ నంబరు.
భారత ప్రభుత్వానికి చెందిన వినియోగదారుల విభాగంతో కలిసి ఢిల్లీ యూనివర్సిటీ నెలకొల్పిన హెల్ప్‌లైన్‌ ఇది.
ఎందుకీ నంబరు?
పట్టణాల్లో, నగరాల్లో వినియోగదారుల ఫోరాలు, కోర్టులు విస్తృతంగా ఏర్పాటుచేసినప్పటికీ వాటి పనితీరు అంతంతమాత్రమే. ఎందుకంటే కోర్టు అనగానే 'ఆ కేసు ఎప్పటికి తేలేను, దానిచుట్టూ ఎవరు తిరుగుతారు' అన్నదే ఇప్పటికీ చాలామందిలో బలంగా నాటుకుపోయింది. అందుకే జిల్లాలవారీగా వినియోగదారుల ఫోరాలు పెట్టినా వాటికొచ్చే స్పందన అరకొరగానే ఉంటుంది.
అయితే కొన్నిచోట్ల పరిస్థితి ఇందుకు భిన్నంగా కూడా ఉంది. కేసులు ఎక్కువ, సిబ్బంది తక్కువ కావడంతో ఆ కేసులు తేలడానికి చాలా సమయం పడుతుంది. దాంతో చాలామంది వాటిపట్ల ఆసక్తిని ప్రదర్శించడం లేదు. ఏది ఏమయినా ఎక్కువశాతం అవగాహనాలోపమే. వినియోగదారులకు తమ హక్కుల గురించి తెలీకపోవడమే.
'మనం కొన్న వస్తువు పాడయితే ఆ విషయాన్ని ఎవరికి చెప్పాలి, ఏమని చెప్పాలి, ఎలా మాట్లాడాలి, దేనిగురించి కేసు వేయెుచ్చు, దేనిమీద వేయకూడదు, వేస్తే ఎలా వేయాలి, ఎక్కడ వేయాలి?' ఇవన్నీ సగటు మనిషికి వచ్చే నిత్య సందేహాలే.
ఎప్పుడో ఓసారి చదివినా మళ్లీ మతిమరుపే. అందుకే ఆ బాధ లేకుండా ఫోన్‌ ద్వారా ఆ సేవల్ని జనం ముందుకు తీసుకొచ్చింది నేషనల్‌ కన్స్యూమర్‌ హెల్ప్‌లైన్‌. ఎంటీఎన్‌ఎల్‌, బీఎస్‌ఎన్‌ఎల్‌ లైను నుంచి ఒక్క ఫోన్‌ చేస్తే చాలు... సమస్యకు సంబంధించిన సమాచారాన్నీ సలహాల్నీ సూచనల్నీ అందిస్తుంది. దైనందిన జీవితంలో ఎదురయ్యే ఏ వ్యాపార లేదా సేవా సంస్థకు చెందిన సమాచారాన్నయినా ఠకీమని చెబుతుంది. అంతేకాదు, అసలు కేసు వేయెుచ్చో లేదో అన్న సలహాతోపాటు ఎక్కడ ఎలా కేసు వేయాలో కూడా చెబుతుంది.

మూడు అంచెల్లో...
ఎల్‌పీజీ, విద్యుత్‌, టెలీకామ్‌, బ్యాంకింగ్‌, ఇన్స్యూరెన్స్‌, క్రెడిట్‌ కార్డులు, ఆటోవెుబైల్స్‌, పోస్టల్‌, కొరియర్‌, వాటర్‌, రవాణా, విద్య, వైద్యం... ఒకటని లేదు, ఏ సేవావిభాగం గురించయినా సరే... అలాగే టీవీలు, కంప్యూటర్లు, ఏసీలు, ఫ్యాన్‌లు, కూలర్లు, వాషింగ్‌మెషీన్లు, ఓవెన్లు, షూస్‌... ఇలా ఏ ఉత్పత్తుల గురించయినా సమాచారాన్ని అందిస్తుంది. ఆయా సంస్థల సేవలు సరిగ్గా లేకున్నా ఆయా వస్తువులు దెబ్బతిన్నా లేదా కొనుగోలులో వోసం జరిగినా మూడు అంచెల్లో తన సేవల్ని అందిస్తుంది ఈ హెల్ప్‌లైన్‌.
ముందు వినియోగదారుడికి తన హక్కుని తెలియజెప్పడంతోబాటు తన సమస్యని ఆ కంపెనీకి ఎలా వినిపించాలో తెలియజేస్తుంది. అప్పటికీ అతని సమస్య తీరకపోతే ఆయా విభాగాల లేదా పారిశ్రామిక సంస్థల బాగోగుల్ని పట్టించుకునే బోర్డుకి సమాచారాన్ని ఎలా చేరవేయాలో చెబుతుంది. చివరిగా 'వినియోగదారుడి రక్షణ చట్టం' కింద కోర్టులో కేసు వేయమని సూచిస్తుంది.
ముఖ్యంగా ఈ హెల్ప్‌లైన్‌ వల్ల కోర్టు బయటే చాలావరకు సమస్యల్ని పరిష్కరించుకోవచ్చు. దాంతో కోర్టులకీ భారం తగ్గుతుంది.
అర్థమైందికదా, చట్టాలు, కోర్టులు... ఉన్నా వాటిని ఎలా ఉపయోగించుకోవాలో తెలీనివాళ్లు ఎందరో. వారికోసం ఏర్పాటుచేసినదే ఈ హెల్ప్‌లైన్‌. కంపెనీల నిబంధనలకు లోబడి వినియోగదారుడు కోరిన సమాచారాన్ని అందిస్తూ అన్ని దశల్లోనూ ఫిర్యాదును ఫైల్‌ చేసేందుకు సహకరిస్తుంది.
హెల్ప్‌లైన్‌.
ఎంటీఎన్‌ఎల్‌, బీఎస్‌ఎన్‌ఎల్‌ లైను నుంచి ఒక్క ఫోన్‌ చేస్తే చాలు... సమస్యకు సంబంధించిన సమాచారాన్నీ సలహాల్నీ సూచనల్నీ అందిస్తుంది.
ఇలాంటి హెల్ప్‌లైన్‌ల అవసరం మనకెంతో ఉంది. ఇంకెందుకు ఆలస్యం... వెంటనే నంబర్ని డైరీలో నోట్‌ చేసేయండి..!

సీ......రియల్

2009-07-07T07:06:00.000-07:00

సీ......రియల్ . అవునండీ . నిజమే!నేనూ కొంతమంది నా స్నేహితులూ కలిసి తెలుగులో ఒక టీవీ సీరియల్ ప్లాను చేస్తున్నాము. అందుకోసం సలహలూ, విషయాలూ, స్క్రిప్త్లూ గట్రా గట్రా పంచుకోమని ఇలా బ్లాగుముఖమగా రిక్వెస్ట్ చేస్తున్నాను. ఏదైనా మంచి స్క్రిప్ట్ మేము ఎన్నిక చేసుకుంటే వారికి కొంత పారితోషకం కూడా ఇవ్వబడుతుంది.ఈ క్రింది మైల్ ఐడీ కి పంపవచ్చు.
j_sunita2@hotmail.com

సునిత, ఈమెయిల్

స్టాట్...... కేమేరా......... యాక్షన్........

2009-06-22T07:03:00.000-07:00

స్టాట్...... కేమేరా......... యాక్షన్........

నేను నా ఫ్రెండ్స్ కలిసి గంట సినిమా తీద్దామనుకుంటున్నాము. ఉదాహరణకు ఐతే, ప్రయాణం, ఆనంద్, వంటి చిన్నసినిమాలాగా. కాని గంట సినిమాకి సరిపోయే స్టోరీ కోసం చుస్తూన్నాను. మిత్రులారా మీలో ఎవరైనా ఖాళీ సమయాల్లో కథలు రాసే వారు ఉండచ్చు, సరదాకి కధలు రాసేవారు ఉండొచ్చు. ఆ కథ ఈ చిన్న సినిమాకి ఉపయోగపడొచ్చు. తక్కువ క్యారెక్టర్స్ తో చిన్న కథ ఎవరిదగ్గరైనా ఉంటే కనుక editormohan@ymail.com కి మెయిల్ చేయండి. అందరూ కలిసి ప్రయత్నిస్తే ఒక చిన్న సినిమా తప్పకుండా తీయవచ్చు. మా ఆలోచనకు మీ కృషిని కూడా అందిస్తారని కోరుకుంటూ................
స్టాట్...... కేమేరా......... యాక్షన్........ అన్నా అని యిదేదో డైలాగ్ అనుకునేరు! నిజమేనండీ.

చూసిన వారి సంఖ్య

ఒక్క ఫోన్‌కాల్‌తో ర్యాగింగ్‌కు అడ్డుకట్ట

2009-06-22T05:07:00.000-07:00

చదువుల తల్లి నిలయాల్లో ర్యాగింగ్‌ పేరున సాగుతున్న వికృత చేష్టలను అడ్డుకునేందుకు కేంద్రం నడుం కట్టింది. ర్యాగింగ్భూతాన్ని తరిమేందుకు కళాశాలల ప్రారంభానికి ముందే కఠిన చర్యలు తీసుకుంటోంది. ఇందులో భాగంగా దేశవ్యాప్తంగావిద్యార్థుల సహాయార్థం టోల్ఫ్రీ నెంబర్లను ఏర్పాటు చేసింది. కేంద్ర మానవ వనరుల అభివృద్ధిశాఖ మంత్రి కపిల్‌ సిబాల్శనివారం ‌ ‌‌ వీటిని ప్రారంభించారు. బాధితులు ఫోన్‌ చేస్తే 15 నిమిషాల్లో వారికి అధికారులు, పోలీసుల నుంచి సహాయం లభిస్తుందని ఆయన వెల్లడించారు. ''24 గంటలూ ఈ హెల్ప్‌లైన్‌ పనిచేస్తుంది. విద్యార్థుల ఫిర్యాదులను అధికారులు నమోదు చేసుకుంటారు. 15 నిమిషాల్లో బాధితులకు సహాయం అందుతుంది'' అని సిబాల్‌ తెలిపారు.
1800-180-5522, 155222 నెంబర్లకు బాధితులు ఫోన్‌ చేసి ఫిర్యాదు చేస్తే సరిపోతుంది. అధికారులు ఫిర్యాదును నమోదు చేసుకొని బాధితులకు ఒక నెంబరు కేటాయిస్తారు. దీని ద్వారా భవిష్యత్తులో కేసు పూర్వాపరాలను తెలుసుకోవచ్చు. రెండో సహాయక నంబర్‌ (155222) త్వరలోనే ప్రారంభమవుతుందని సిబాల్‌ చెప్పారు. helpline@antiragging.netకు ఈ-మెయిల్‌ ద్వారా కూడావిద్యార్థులు ఫిర్యాదు చేయవచ్చన్నారు. ''విద్యాసంస్థలు ర్యాగింగ్‌ నిరోధక కమిటీలను ఏర్పాటు చేసుకోవాలి. సదరు సంస్థ మీద ఫిర్యాదు వచ్చిన వెంటనే యాజమాన్యానికి, జిల్లా ఎస్పీ, ఇతర అధికారులకు విషయం చేరవేస్తాం'' అని సిబాల్‌ వివరించారు. బాధితుల వివరాలను గోప్యంగా ఉంచుతామన్నారు.
ర్యాగింగ్‌ నియంత్రణకు యూజీసీ ఇప్పటికే పలు మార్గదర్శకాలను జారీ చేసింది. దోషులుగా తేలిన వారికి రూ.2.5లక్షల జరిమానా విధించాలని, వారి కళాశాల ప్రవేశం రద్దు చేయాలని నిర్ణయించింది. ఈ విషయంపై విద్యార్థుల తల్లిదండ్రులకు విద్యాసంస్థలు ముందే అవగాహన కల్పించి వారి ఆమోదం కూడా తీసుకోవాలి.

ఈనాడు

ఎక్కడ వినని సాయం

2009-06-20T04:52:00.000-07:00

చదువు, డబ్బు, అవకాశాలు చాలామంది దగ్గర ఉంటాయి. కానీ మనసు, సాహసం కొందరికే ఉంటాయి. అలాంటి వారిలోధ్రువ్‌ పేరు చేర్చొచ్చు.అతడిది పూర్తిగా కొత్త వ్యాపారం. పోటీ ఉన్న కొరియర్‌ సేవల రంగం. అయినా సరే, చెవిటి వారికేఉద్యోగాలు ఇవ్వాలనుకున్నాడు. ఆదాయం కాస్త తగ్గినా వారి జీవితాల్లో ఆనందం నిండాలని కోరుకున్నాడు. ఆ దిశలోసాగిన అతడి ప్రస్థానంలో ఆసక్తి కలిగించే అంశాలన్నో.
బ్రిటన్‌లో ఎంబీఏ...
కాలేజీ రోజుల్నుంచి ధ్రువ్‌కి సామాజిక కార్యక్రమాల్లో ఆసక్తి ఉంది. ముంబైలోని స్వచ్ఛంద సంస్థలో సభ్యుడిగా విద్య, వీధి బాలలు, మహిళల హక్కులు, ఎయిడ్స్‌ నియంత్రణ దిశగా తన వంతు సేవలు అందించాడు. సునామీ సమయంలో తమిళనాడు, ఆంధ్రప్రదేశ్‌ల్లోని గ్రామాలను సందర్శించి, సహాయక శిబిరాల్లో పాల్గొన్నాడు. ఆక్స్‌ఫర్డ్‌లో సీటు రావడంతో అక్కడ ఎంబీఏ చేసిన ధ్రువ్‌ తిరిగి ఇండియాకొచ్చాక మెరిల్‌లించ్‌లో ఇన్వెస్ట్‌మెంట్‌ బ్యాంకర్‌గా పని చేశాడు.

చెవిటి వారికి చేయూత...
బ్యాంకు ఉద్యోగిగా జీతం, హోదాలకు లోటులేదు. అయినా కొంతకాలానికి సొంత వ్యాపారం చేయాలన్న ఆలోచనలు. సరిగ్గా ఆ సమయంలోనే అతడి దృక్పథాన్ని ప్రభావితం చేసే పరిస్థితులు ఎదురొచ్చాయి. ''ఒకరోజు బస్సులో ప్రయాణిస్తున్నా. పక్కనే ఒకబ్బాయి కూర్చుని ఉన్నాడు. కండక్టర్‌ పిలిచినా, పక్కవారు సర్దుకోమన్నా అతడికి వినిపించడం లేదు. వినలేడు అని అర్థమైంది. వినలేకపోవడం ఎంత పెద్ద సమస్యో అప్పుడు ఆలోచించా. మనదేశంలో సుమారు ఆరు కోట్ల మంది ఆ సమస్యతో బాధపడుతున్నారు. చూపు లేని వారిని రోడ్డు దాటిస్తారు. కర్రల మీద నడిచే వారికి వూతమిస్తారు. కానీ చెవిటి వారని ఎలా తెలుస్తుంది? అర్థం చేసుకుని సాయం చేసేదెవరు? అనిపించింది' అంటూ ఆనాటి పరిస్థితుల్ని గుర్తు చేసుకుంటాడతను.

ముప్ఫై మందికి ఉపాధి..
బిజినెస్‌ ఆలోచనలు వూపందుకుంటున్న దశలోనే మరో సంఘటన. 'ఏడాది క్రితం మా నాన్న బస్సు ప్రమాదానికి గురయ్యారు. బాగా గాయాలయ్యాయి. మామూలుగా నడవలేక చాలా ఇబ్బంది పడ్డారు. అవన్నీ చూశాక, మనీ కోసం కాదు, మనసు చెప్పినట్టే వినాలని డిసైడ్‌ చేసుకున్నా. అప్పుడొచ్చిన ఆలోచనే కొరియర్‌ సర్వీస్‌' అంటూ వివరించారు ధ్రువ్‌. క్రితం ఏడాది నవంబరులో అతడు, మరొక చెవిటి వ్యక్తితో 'మిరకిల్‌ కొరియర్స్‌' ఆరంభమైంది. ఆర్నెల్లలో అంచెలంచెలుగా ఎదుగుతూ ముప్ఫై మందికి ఉపాధి కల్పించే స్థాయికి చేరుకుంది. అలాగని ఇదొక స్వచ్ఛంద సంస్థని అనుకోకండి. సిబ్బంది ఎంపిక, శిక్షణ, కస్టమర్‌ సర్వీసు, రాబడి విషయంలో పక్కా ప్రణాళికతో పని చేస్తుంది. ఆ విధంగా సంస్థను, సిబ్బందిని మలచడంలో ధ్రువ్‌ చాలా కష్టపడతాడు.

ఎన్ని ఆలోచనలో!
స్వచ్ఛంద సంస్థల సాయంతో చెవిటి వారిని గుర్తించి, వారి ప్రతిభ, చురుకుదనం ఆధారంగా ధ్రువ్‌ ఉద్యోగాలిస్తాడు. చిరునామా పట్టుకోవడం, సమయానికి డెలివరీ ఇవ్వడం, కస్టమర్లతో మర్యాదగా ఉండటం, సాయంత్రం రిపోర్ట్‌ చేయడం వంటి వాటిపై ప్రాథమిక శిక్షణ ఉంటుంది. సంజ్ఞల భాషలో మొదట ధ్రువ్‌ ట్రైనింగ్‌ ఇచ్చేవాడు. శిక్షణ పొందిన వారు ఇప్పుడు మిగిలిన వారికి నేర్పిస్తున్నారు. పని విషయంలో నిక్కచ్చిగా వ్యవహరించే ధ్రువ్‌ ఉద్యోగుల్ని ప్రేమగా చూసుకుంటాడు. అవయవ లోపాన్ని అస్సలు ప్రస్తావించడు. వినికిడి జ్ఞానం లేని మహిళా ఉద్యోగులకు ఆఫీసు పనుల్నే అప్పగిస్తాడు. యూనిఫామ్స్‌ కుట్టివ్వడం, ఠంచన్‌గా జీతాలివ్వడం, బాగోగుల విషయంలో ప్రత్యేకంగా శ్రద్ధ పెడతాడు. బీమా కల్పించడం, రుణాలిప్పించి వాహనాలు కొనిపించడం వంటి ప్రణాళికలూ అతడి మదిలో ఉన్నాయి.

సంస్థల సహకారం...
సంస్థను నడపడంలో సిబ్బంది నుంచి ఎటువంటి ఇబ్బందుల్లేవని చెప్పే ధ్రువ్‌ అప్పుడప్పుడు ఎదురయ్యే కొన్ని అనుభవాలను వివరించారు. 'మీ సిబ్బంది చెవిటి వాళ్లు, ప్రొఫెషనల్స్‌ కారు... వంటి వ్యాఖ్యలు నాకు అడపాదడపా ఎదురవుతుంటాయి. వినడమే ప్రతిభకి, పని తీరుకి కొలమానమా? చెవిటి వాళ్లు మామూలు మనుషులు కారా? ఎవరైనా అలాగంటే నేను చాలా బాధపడతా. సర్వీసులో లోపం ఉంటే చెప్పండి అని సూచిస్తుంటా' అన్నారు. అయితే సేవ, సంపాదన మేళవింపుగా సాగుతున్న'మిరకిల్‌ కొరియర్స్‌'ని గోద్రెజ్‌, జేఎస్‌డబ్ల్యు, మహీంద్రా అండ్‌ మహీంద్రా, ఆదిత్యా బిర్లా గ్రూప్‌ వంటి సంస్థలు ప్రోత్సహిస్తున్నాయి. ప్రస్తుతానికి ముంబైకి పరిమితమైన మిరకిల్‌ సేవలు ఢిల్లీ, బెంగళూరుల మీదుగా మన రాష్ట్రానికీ అందుబాటులోకి వచ్చే అవకాశముంది. అదే జరిగితే... మన రాష్ట్రంలో వినికిడి లోపం ఉన్న వారికీ ఉపాధి దొరుకుతుంది.

ఈనాడు 'ఈతరం' ఇంటర్వ్యూ. – 20-6-09

సేవలోనే ఆనందం

2009-06-19T07:20:00.000-07:00

మీచే సేవలందుకొనే వారిని మీ నిజస్నేహితులుగా భావించు. అదే నిన్ను భవష్యత్తులో వెలుగులోనికి తీసుకొని పోతుంది. దర్పాన్ని, అహంకారాన్ని, అధికారాన్ని, అసూయను, అనుమానాన్ని సేవాలో ప్రవేశపెట్టరాదు. వ్యక్విగత సేవలకంటే సామాజిక సేవలో ఎక్కువ ఆనందం కలుగుతుంది. ప్రతివారూ సేవలో పాల్గొనాలి. సేవకుడేనాయకుడైననాడు ప్రపంచం అభివృధ్ది చెందుతుంది.

saipraveen.wordpress.com

బ్లాగ్ చూసి ఆలోచన మార్చుకున్నా…

2009-06-18T03:35:00.000-07:00

మిత్రడు స్టాట్ చేసిన బ్లాగ్, అతని ఆలోచన నాకు నచ్చింది. మిత్రమా ఈ బ్లాగ్ తప్పకుండా ఆదరణ పొందుతుంది. నిజంగానే యువత అల్లరికే కాదు, ఆకాశమంత విజయాలను కూడా సాధించగలరు. ఈ బ్లాగ్ చుస్తున్న మీరు కూడా స్పందించాని నేను కోరుకుంటున్నాను. ఇకపోతే మీకే డరెక్షన్ ఛాన్స్ వస్తే అన్న కథనం విషయానికొస్తే, నాకు డైరెక్షన్ ఛాన్స్ వస్తే కాదు కాని, నేను న ఫ్రెండ్స్ కలిసి గంట సినిమా తీద్దామనుకుంటున్నాము. అనుకుంటే సరిపొతుందా.. అది మన వల్ల అయ్యే పని కాదు అని అనుకునే వాడిని. మరళ ఈ బ్లాగ్ చుశాక నా ఆలోచనలో మరింత పట్టుదల పెరిగింది. కాని గంట సినిమాకి సరిపోయే స్టోరీ కోసం చుస్తూన్నాను. మిత్రులారా మీలో ఎవరైనా ఖాళీ సమయాల్లో కథలు రాసే వారు ఉండచ్చు, సరదాకి కధలు రాసేవారు ఉండొచ్చు. ఆ కథ ఈ చిన్న సినమాకి ఉపయోగపడొచ్చు. క్యారెక్టర్స్ ఎక్కవగా లేకుడా మంచి కథగా అనిపించే చిన్న సినిమా తీయాలని మా కొరిక. అసలు ఈ ఆలోచన నా ఫ్రెండ్ వల్ల వచ్చింది. నా ఫ్రెండ్ ఒక ఎడిటర్ & వీడియోగ్రాఫర్. వాడు నాకు సహకరిస్తాడనే నమ్మకంతోనే ఒకరోజు వాడితో చెప్పా. వాడు ok అన్నాడు. అలాగా మిగతా ఫ్రెండ్స్ అదంరం కలిసి చేయాలనుకున్నాం. కథే కాకుండా మీలో ఎవరైనా సాంగ్స్ రాసేవారు కూడా ఉన్నా స్పందించండి. సినిమాలు చూసి వారిలోని టాలెంట్ను బయటపెట్టడానికి కొందరు ఓన్గా పాటులు ప్రిపేర్ చేసుకుంటారు. సో అలాంటి వారు ఉన్నా కూడా పాటలని అందిస్తారని కొరుకుంటున్నాను.

మీలో ఎవరైనా మీ దగ్గర కథలు ఉంటే మిత్రుని మెయిల్ okkaavakasam@gmail.com కి కాని, editormohan@ymail.com కి కాని మెయిల్ చేయండి. కథతో పాటు మీ ఫోన్ నెంబరు కూడా మెయిల్ చేయండి. ఏదైనా సాధించాలని మాకు మేము తెచ్చుకున్న అవకాశమే ఇది. అందరూ కలిసి ఈ ప్రయత్నాన్ని సాధించాలని, గెలుపు తలుపు తట్టలాని, మా ఆలోచనకు మీ కృషిని కూడా అందిస్తారని కోరుకుంటూ................

సురేష్.

లక్ష్యం

2009-05-09T06:15:00.000-07:00

"కాలేజ్‌ నడుస్తున్న రోజుల్లో ఎన్ని బంకులు కొట్టినా, ఎంత ఎంజాయ్‌ చేసినా పరీక్షలనగానే పరుగులు తీసేవాళ్లం. పరీక్షలంటే ఎవరికైనా భయమే కదా. డిసెంబర్‌ థర్టీ ఫస్ట్‌ మంచి పార్టీ చేసుకుని ఇక పార్టీలకు ఫుల్స్టాప్‌ పెట్టేస్తాం. ‌
కొత్త సంవత్సరం సందర్భంగా ఓ కొత్త నిర్ణయం తీసుకుని ఎగ్జామ్స్‌కు ప్రిపేరవడం మొదలెడతాం. అప్పటి వరకు బేకరీల్లో, కేఫ్‌లలో అడ్డా కాస్తా ఫ్రెండ్స్‌ రూముల్లోకో, టెర్రస్‌పైకో మారుతుంది. సరదాలకు కామా పెట్టి అటక మీద పుస్తకాల దుమ్ముదులుపుతాం. కంబైండ్‌ స్టడీస్‌ పేరుతో యమా బిజీ. ఎంత ఎంజాయ్‌ చేసినా ఎగ్జామ్స్‌ అప్పుడు అంతో ఇంతో చదవని వారు ఎవరుంటారు చెప్పండి. ఓ మూడు నెలలు కష్టపడి చదివితే మన లక్ష్యం మనం చేరుకోవచ్చు. ఆ తర్వాత ఇక అంతా ఎంజాయే కదా.
యస్‌. అది కరెక్ట్‌. కానీ అందరూ మూణ్నెల్లలో మొత్తం చదివెయ్యలేరు. ఫస్టున పాస్‌ కాలేరు. ముందునుంచే చదువు మీద కూడా శ్రద్ధ పెడితే చివర్లో టెన్షన్‌ ఉండదు. సరదాలు, స్నేహితులు.. ఎన్నున్నా జీవితానికో లక్ష్యం కూడా ఉంటేనే కదా వాటికి అందం? అందుకే గమ్యాన్ని నిర్దేశించుకోండి. దూసుకుపోండి. విష్‌యూ గుడ్‌ లక్‌.

విద్యతోనే అభివృద్ధి

2009-05-08T05:13:00.000-07:00

ఒక దేశ అభివృద్ధికి లేక దుర్గతికి యువతే కారణం. ప్రాచీన భారత దేశంలో గురుశిష్య సంప్రదాయం ఉండేది కాబట్టి వారు ఆశ్రమాలలో వేద విద్యతో పాటు గౌరవం, భక్తి, మంచితనం సేవా భావం వంటి అనేక సుగుణాలని చిన్న తనంలోనే నేర్చుకునేవారు. వారు మన సంస్కృతి సాంప్రదాయాలని తెలుసుకుని వాటికి అనుగుణంగా ప్రశాంతంగా జీవనం సాగించేవారు. నేడు విద్యా విధానంలో మార్పు రావడంతో, భౌతిక రసాయన శాస్త్రాలు పురోగతి చెందటంతో మనకు ఆదర్శంగా జీవించడానికి నేర్పించే (మన సంస్కృతిని నేర్పే) విద్య దూరమయింది.
దానివల్ల నేటి యువతకి మంచి, చెడు తెలియజేసే దేవాలయాల లాంటి పాఠశాలలు దూరమయ్యాయి. ఉపాధ్యాయులు వారికి ఉన్న కొంతసేపులో ఇతర దేశాల ప్రగతి గురంచి, అణువిచ్చేదనాల గురించి, రసాయనాల గురంచి వారికి చెప్పేవారు. ‘దేనివల్ల మనకు మంచి వ్యక్తిత్వం ఏర్పడుతుందో, దేనివల్ల మనకు భయాలన్నీ తొలగిపోయి ఆత్మవిశ్వాసం పెరుగుతుందో, దేనివల్ల మన మూఢ విశ్వాసాలు తొలగిపోయి సత్యాన్ని తెలుసుకుంటామో అదే నిజమైన విద్యా విధానం’ అని వివేకానందులు పేర్కొన్నారు. నేడు అలాంటి విద్యావిధానం లేక యువతకు మంచికి, చెడుకి తేడా తెలియక, చెప్పేవారు లేక తాము చేసేదే మంచి అనుకొని తప్పులకు నేరాలకు పాల్పడుతున్నారు. దీనికి తోడు టెలివిజన్‌, సినిమాలలో ప్రేమ కథలు చూపంచి యువకులను హత్యలకు, ఆత్మహత్యలకు పాల్పడేలా చేస్తుంది.
విద్య, సకల విజ్ఞానం అన్ని దేశాలకంటే ముందు భారతదేశంలో పుట్టాయి. ‘ప్రపంచం మొత్తానికి విజ్ఞానాన్ని నేర్పించింది మన భారతదేశం’ అని స్వామీ వివేకానంద భారత జాతిని కొనియాడారు. అటువంటి భారత జాతి ముద్దుబిడ్డలైన నేటియువతీయువకులు ఈనాడు విచారంతో, చింతనతో, బాధతో, కోపంతో, చిన్న వయసునుండే మత్తుపానీయాలకు అలవాటుపడి, నేరాలకు ఘోరాలకు పాల్పడితే భారతదేశానికి ఎలాంటి దుస్థితి పడతుందో మనం గ్రహించి, ఈనాడు విద్యావిధానంలో మార్పు తీసుకురావాలి. భౌతిక, రసాయన ఇతర శాస్త్రాలతో పాటు మన సంస్కృతి, సంప్రదాయాలు మంచి చెడు తెలియచేసి మంచి వ్యక్తిత్వం, ఆత్మవిశ్వాసము, దేనినైనా చేయగల ధైర్యం, భారతీయులందరిని సహోదరులుగా భావించే సువిశాల హృదయం గలిగినవారిగా ప్రతిపాఠశాల విద్యార్థులను తీర్చిదిద్దాలి.

స్వామి వివేకానంద వంటివారు మన భారతజాతికి గర్వకారణం. భారతీయులకు ఆదర్శం. ఆత్మ విశ్వాసంతో మూర్తీభవించిన వ్యక్తితం ఆయనది. ఆయన భారత యువజనులకు నాయకుడు. ఆయన ఆదేశాల మేరకు యువకులు నడుచుకుంటే భారతదేశం పురోగతిని సాధిస్తుంది.

www.telugupeople.com

కళలు-సాహిత్యం

2009-05-07T04:08:00.000-07:00

మంచి పుస్తకం సద్గురువులాంటిది. జీవితమంటే ఏమిటో చెబుతుంది. ఎలా జీవించాలో చెబుతుంది. మహాత్ముల ఆలోచనల్ని అక్షరరూపంలో చదువుతున్నప్పుడు, మనలోని కాలుష్యం కొట్టుకుపోతుంది. మనసు పరిశుభ్రమవుతున్న భావన కలుగుతుంది. కళలూ అంతే, మనల్ని మనం ఆవిష్కరించుకోడానికి మనలోని భావాలకు ఓ రూపం ఇవ్వడానికి వేదికలుగా నిలుస్తాయి.

ఓ మిత్రుడు

సేవ

2009-05-07T04:05:00.000-07:00

'అమ్మను ప్రేమించటం మీకు తేలికే కావచ్చు. కానీ అది చాలదు. ప్రతి ఒక్కరిలోనూ అమ్మని దర్శించండి. అమ్మలా ప్రేమించండి. అమ్మలా సేవించండి' అంటారు మాతా అమృతానందమయి. ప్రేమ ఉన్న చోటే సేవ ఉంటుంది. రెండూ ఉంటే, ఆనందం ఉండితీరుతుంది.

ఓ పత్రిక నుండి సేకరించిన సేవా సమాచారం

మీరే రాజకీయాల్లోకి వస్తే...

2009-04-21T04:07:00.001-07:00

దేశ పురోభవృద్ధికికి ఎలాంటి నాయకులు అవసరం… “నన్ను గెలిపిస్తే ఇది చేస్తాను” ఈ సమస్యను పరిష్కారిస్తాను. అంటూ నాయకులు ఓటర్లుకు ఆశలు చూపిస్తారు. ఒఖవేళ మీరే కనుక రాజకీయాల్లో ఉంటే సమస్యలను ఏ విధంగా పరిష్కరిస్తారు. దేశాన్ని ఏ విధంగా దేశాన్ని అభివృద్ధి భాటలో నడుపుతారు. ప్రజలను ఏ విధంగా అభివృద్ధి భాటలో నడుపుతారు. ఏ విధంగా సహాయపడతారు. అసలు నిజంగా సమాజసేవ చేసి... దేశాన్ని అభివృద్ధి పథంలో నడిపించేందుకు రాజకీయాలే అవసరమా?

మీకే డైరెక్షన్ ఛాన్స్ వస్తే.....

2009-04-21T04:06:00.000-07:00

ప్రస్తుత కాలంలో సినామాలన్ని యువతను చెడ్డదారి పట్టించే సినిమాలే. మనం ఒక్కసారి గమనిస్తే ఏ సినిమా చూసిన అసభ్యకరంగానూ, పూర్తి ప్రేమాకథ చిత్రంగానూ ఉంటుంది. ఇటువంటి పరిస్తితుల్లో సమాజానికి ఎటువంటి చిత్రాలు అవసరం. అసలు మీకే ఒక డైరెక్టర్ ఛాన్స్ వస్తే ఎటువంటి చిత్రం తీస్తారు. ఏ విధంగా సమాజానికి ఉపయోగపడేలా చిత్రికరిస్తారు.

అనుకోకుండా సాధించ్చా

2009-04-20T06:33:00.002-07:00

హాయ్ ఫ్రెండ్స్

నేను 10వ తరగతి వరకు చదువుకున్నా. తరువాత కొద్ది కొద్దిగా చదువు మీద Intrest తగ్గింది. ఇంక చదువు ప్రక్కన పెట్టి ఆ పని ఈ పని అని అన్ని రకాల పనులు చేసా. ఒక రోజు అనిపిచ్చింది. ఎన్నాళ్ళు ఇలా చేస్తాం. Lifeలో సెటిల్ అవ్వాలి కదా అని అనిపిచ్చింది. వెంటనే చేస్తన్న పనులు అన్ని మానేసా. తెలిసిన వారి ద్వారా ఒక Editing Studioలో చేరా. జీతం లేదు. కాని అక్కడ చేస్తూ కంప్యూటర్ గురించి, ఏడిటింగ్ గురించి నేర్చుకుందామనుకున్నా. 6 సంత్సరాలు అక్కడే పనిచేసా. ఫలితం నేనిప్పుడు Editorni. కాని నాకు సినిమాలకు ఎడిటింగ్ చేయాలని కొరిక. వచ్చిన అవకాశాన్ని చేజార్చుకోకుండా తప్పకుండా అనుకున్నది సాధిస్తానని అని నా నమ్మం. నా అనుభవాలను మీతో పంచుకోవాలని వ్రాస్తూ.....

మోహన్, విజయవాడ.